short call 滙豐

終於完成第一次人生第一次期權交易 short call。經上次交易不成，今次用市場價，完成交易。

0005.HK
short call
Dec 2019
Exercise $75
4800 shares
現價$64

$0.45
若行使價是$72.5 有期權金$0.7，$70 更可去到$1.09。其實我為了賺期權金而己，唔想買走滙豐。由$65升到$70，又唔係咁難。

$0.45／$64 ＊9 / 12 ＝0.5%回報而己，當收多少少股息。
$0.45*4800 ＝$2160。扣去雜費只賺$1800而己。

不過，向好處想，唔做就雞碎都無得賺。

但一樣嘢，事先無預計。證卷行竟問我收 margin 。我乖乖的俾了萬多元。但再諗諗下，我買的不是 short covered call 嗎？我有現貨，怕麼俾人call？

再whatsapp 證卷行，原來轉現貨每次要收多$200手續費。用margin就可慳掉這手續費。
我再問：「會唔會call margin的？」

他說滙豐頗稳定的。你信嗎？

今日追蹤股表現

這都是在下追蹤的股票，不代表有或無，當然有晒是好。最平之時買更好。

我過往絕少每日係咁睇。連08年時，都沒趁低吸納。信不信由你。那時，我對孖仔四歲。有時間，都是陪仔，寫 blog 。寫親子 Blog 。

現在，又為什麼追股票？可能人在多哈，又想和香港有些接觸面。

追了幾日，昨日升，今日跌，幾乎日日如是。會唔會今日升了，明天就會跌，所以要就要等明天？

現在，今日跌，還看明天係唔係升。

彈藥用盡等收成

今朝終於用盡所有彈藥(現金)，投入單一股票 - 滙豐(0005.HK)。接著就是等每月的正現金流，即債券入息、租務收入或股息，再投入不同到時適當的投資產品。一個自製的複息增長。

今日將所餘的現金放入滙豐(0005.HK)時，有段小枝節。就是我真的將所現金用盡，忘記了今天要找三萬咭數。當然我是每月清，絕不給銀行賺咭數息嗰種人。結果用突了萬五元，要問家人借。

佢地一定以為我好唔掂！

*******

有咁多滙豐(0005.HK)係手，試下收期權金。今日問經紀，試下做 short call:
Dec 2019 
striking price $80

他回覆，是 $0.05。即 0.05／64 (現價) ＝0.08%。仲有無少啲？
  

牛市又來了

不久前又話中美貿易戰有排搞，中方要儲彈藥，到處追名人稅云云。

現在又說，美方縮表不成，雙方繼續放水。牛市又來了。你有否蠕蠕若動？

我有。我知：別人貪婪我謹慎。但我有現金。年半前賣了盈富(2800.HK)，一心等熊市。它有來，但未至令我飛撲入市。沒留意到些低價又令我放心飛撲的。只買藥明生物(2269.HK)，$55.7，現價$81，是升了。但只敢小注五萬買，只賺兩萬多。有飛撲入地䥫(0066.HK)，約$40，現價$47。算是賺得多的一隻。原意是近日太多負面新聞，俾人係咁踩。心諗地鐵，跌極有限。未升都可收下股息。藥明生物就唔同，暫無股息，真係等佢爆升，純炒股價。

近日狂買滙豐(0005.HK)，因它還未有大戶叫升。究竟幾時輪到佢呢？

希望牛市真的來。